Чызгæрвысты куывд

Чызгæрвысты куывд
Уæ Хуыцау, табу Дæуæн!
Оммен, Хуыцау!
Дæ рафæлдыст адæмæн хорздзинæдтæ Дæ цæст бауарзæд!
Оммен!
Уæ Дунерафæлдисæг Кадджын Хуыцау,
Абон цы дыууæ мыггаджы æмæ дыууæ кæстæры циндзинадыл кувæм,
Уый рæстмæ фæкæн!
Оммен, Хуыцау!
Сæ хæстæгдзинад мыггагæй мыггагмæ фидар æмæ уарзон куыд уа,
Дыууæ кæстæры сæ фидар зонд æмæ фæллойæ адæмæн уарзон куыд уой!
Оммен, Хуыцау!
Уастырджи, табу дæхицæн!
Байраджы – бæхгæнæг, лæппуйы – лæггæнæг Уастырджи,
Ацы саби-чызджы рæствæндаг фæкæн!
Оммен, Хуыцау!
Уæ Бынаты Хицау, йæ ног бынатмæ амондджын къах бавæрæд,
Æнæниз куыд уа, йæ къаимæ дзы адджынæй куыд цæра!
Оммен, Хуыцау!
Уæ Мады Майрæм, уæдæ йæ авд лæппуйы æмæ иу цъæх чызджы мад фæкæн!
Йæ авд фыртæн авд чындзы куыд фена,
Йæ цоты цоты авдæнтæ куыд ауза!
Оммен, Хуыцау!
Тбау Уацилла! Фыдбылызæй нæ бахиз,
Дуне сабыр куыд уа,
Нæ кæстæрты чындзæхсæвты куыд бадæм!
Оммен, Хуыцау!
Хоры Уацилла, хорæфсæст нæ скæн!
Оммен, Хуыцау!
Фосы Фæлвæра, дæ лæвар фосæй куывдты æмæ чындзæхсæвты нывæндтæ куыд кæнæм,
Уыцы арфæ нын ракæн.
Оммен, Хуыцау!
Зæдтæй ма афтæ чи зæгъы, мæ ном куы ссардтаиккой,
Уæд æз хуыздæр æххуыс бакодтаин,
Уыдонæн дæр барст уæнт не ‘ртæ чъирийы!
Оммен, Хуыцау!
Чырысти рахизырдæм цы дзуар бафтыдта,
Уыцы дзуарæфтыд фæкæн ацы хæдзар дæр!
Оммен, Хуыцау!

Словарь по этнографии и мифологии осетин. 2014.

Нужно сделать НИР?

Полезное


Смотреть что такое "Чызгæрвысты куывд" в других словарях:

  • Чызгæрвысты куывд – перевод — см. Чызгæрвысты куывд Молитва в доме невесты в день свадьбы – О Хуыцау, табу Тебе! – Оммен! – Пожелай добра людям, Тобою созданным! – Оммен! – О Создатель Вселенной, Дай счастья двум фамилиям и двум младшим, За которых мы сегодня молимся! – …   Словарь по этнографии и мифологии осетин

  • ЦАРДЫУАГОН КУЫВДТЫТÆ — Семейные обрядовые молитвы Чызгæрвысты куывд Киндзхонти хестæри кувд Хестæри кувд, киндзи ка фæццæуй, еци кизгæн Чындзхасты куывд …   Словарь по этнографии и мифологии осетин

  • ХЕТÆДЖЫ УАСТЫРДЖИЙЫ КУВÆНДОН — см. Священная роща Хетага – Хуыцау, табу Дын уæд! – Хуыцау, хистæрæй, кæстæрæй, сылгоймагæй, нæлгоймагæй Дыл нæхи фæдзæхсæм æмæ нын ахъазгæнæг у. – Хуыцау, зæххыл цыдæриддæр цæуы – цинæй дæр, зианæй дæр – иууылдæр Дæуæй аразгæ сты, æмæ Дæм фылдæр …   Словарь по этнографии и мифологии осетин


Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»